கேப்பாபுலவு பிலக்குடியிருப்பில் தியாக தீபம் திலீபனுக்கு உணர்வு பூர்வ அஞ்சலி

பாலநாதன் சதீசன் 

முல்லைத்தீவு, கேப்பாபுலவு பிலக்குடியிருப்பில் 

தியாக தீபம் திலீபனின் 39ஆவது நினைவு தினத்தின் இறுதி நாளான இன்று பிலக்குடியிருப்பு பகுதியில் உணர்வுபூர்வமாக அஞ்சலி நிகழ்வு இடம்பெற்றிருந்தது.

கரைதுறைப்பற்று பிரதேச சபை உறுப்பினர் ஞானதாஸ் யூட்சன் தலைமையில் இடம்பெற்ற இந்நிகழ்வில், தியாக தீபம் திலீபனின் நினைவுருவ படத்திற்கு நினைவுச் சுடர் ஏற்றப்பட்டு அஞ்சலி நிகழ்வு இடம்பெற்றிருந்தது.

கிராம மக்கள், பொதுமக்கள் என பலரும் கலந்து கொண்டு திலீபனின் நினைவுருவ படத்திற்கு அஞ்சலி செலுத்தியிருந்தனர்.

அத்தோடு குறித்த நிகழ்வில் அவரது தியாகத்தை நினைவுகூரும் வகையில் பல்வேறு நினைவேந்தல் நிகழ்வுகளும் இடம்பெற்றிருந்தமை குறிப்பிடதக்கது.