அரசியலமைப்பின் 22ஆவது திருத்தச் சட்டமூலத்திற்கு எதிராக, கொட்டும் மழையையும் பொருட்படுத்தாமல் கொழும்பில் பாரிய போராட்டமொன்று முன்னெடுக்கப்பட்டு வருகின்றது.
பிரதான எதிர்க்கட்சியான ஐக்கிய மக்கள் சக்தியின் ஏற்பாட்டில் கொழும்பு, பத்தரமுல்லை பொல்துவை சந்தியில் (நாடாளுமன்றத்திற்குச் செல்லும் நுழைவாயில் பகுதி) இப்போராட்டம் இடம்பெற்று வருகின்றது.
இதில் பெருந்திரளான மக்கள் பங்கேற்றுள்ளதால் அப்பகுதியில் கடும் போக்குவரத்து நெரிசல் ஏற்பட்டுள்ளதுடன், பலத்த பாதுகாப்பு ஏற்பாடுகளும் செய்யப்பட்டுள்ளன. போராட்டத்தில் ஈடுபட்டவர்கள் அரசியலமைப்பின் 22ஆவது திருத்தச் சட்டமூலத்திற்கு எதிராகக் கோஷங்களை எழுப்பினர்.
